ЈП Стрежево продолжува со збогатување на риболовната вода и подобрување на условите за риболов за сите рекреативни риболовци.
Денес во присуство на директорот на Државниот инспекторат за земјоделство Васе Анакиев и инспектори од одделението за рибарство со аквакултура, согласно надлежностите во рамки на Законот за рибарство и аквакултура се изврши порибување на рекреативната зона „Акумулација Стрежево”, кое беше порибено со рибен подмладок од крап и речна пастрмка кои беа набавени од репроцентарот Акватика од Неготино.
Од Државниот инспекторат за земјоделство се изврши проверка на документацијата и мерење на порибителниот материјал на дигитална вага пред пуштање во водите на Акумулацијата Стрежево при што се утврди дека порибениот материјал е во вкупна количина од 150кг пастрмка и 200 кг крап.
Главна цел од спроведувањето на овие активности е збогатување на рибниот фонд на водите на територијата на националниот парк.
