Во Франција, повеќе од 600.000 единки живина беа превентивно усмртени поради птичјиот грип, кој беше откриен на една фарма кон крајот на ноември.
Министерството за земјоделство соопшти дека се откриени 26 жаришта на птичји грип, претежно на југозападот на Франција, како и неколку случаи на зарази кај диви птици.
Франција, како и многу европски земји, оваа зима повторно беше погодена од птичји грип што го пренесуваат птиците преселници.
Минатата година имало 500 жаришта, поради што превентивно биле убиени околу 3,5 милиони живина, главно патки.
Птичјиот грип првпат оваа година беше идентификуван на 26 ноември на северот на Франција, а оттогаш се прошири и на другите фарми на север и стигна до југозапад, каде што сега се концентрирани повеќето случаи на зараза.
