Министерот Арјанит Хоџа, денеска учествуваше во акцијата за пошумување во општина Желино.
Пошумувањето беше во заедничка организација помеѓу #МЗШВ, Амбасадата на Република Турција, Турската Агенција за соработка и координација (ТИКА) и Општина Желино.
На брегот на реката Вардар, во непосредна близина на стариот отомански камени мост во Желино, министерот Хоџа, заедно со неговата екселенција г-дин Хасан Мехмет Секизќок и градоначалникот на Општина Желино, г-дин Блерим Сејдиу засадија околу 250 садници, кои се донација од Амбасадата на Република Турција.
На овој начин симболично се одбележа 11. ноември – денот на пошумување во Република Турција, кој оваа година се одбележува по втор пат, под мотото „Здивот на иднината“.
Оваа акција на пошумување освен во нашата држава денеска ќе се одбележи во повеќе земји од Балканот, Азија и Африка.
