Горан Георгиевски од Агро-бизнис комората при ССК, вели дека и сегашната цена на основниот леб, кој чини од 29 до 34 денари, не обезбедува никаква рентабилност и ако се земат предвид сите фактори, ваквиот леб треба да чини меѓу 50 и 60 денари. Материјалните трошоци сега изнесуваат 34 отсто од цената на лебот, а работната сила навлезе со над 41 отсто
Несериозни и без соодветна анализа се барањата на Асоцијацијата на земјоделците една векна леб да чини 20 денари, вели за „Слободен печат“ Горан Георгиевски од Агро-бизнис комората при ССК. Според Георгиевски, дури и сегашната цена на основниот леб, кој чини од 29 до 34 денари, не обезбедува никаква рентабилност и ако се земат предвид сите фактори, ваквиот леб треба да чини меѓу 50 и 60 денари.
Тој им упати контра предлог на земјоделците – да отворат пекарница и да почнат да печат леб по 20 денари, а тој ќе им го купи целото производство по цената што тие тврдат дека е реална. Од Асоцијацијата на земјоделци во неколку наврати истакнаа дека при ниска цена на пченицата од 9 до 11 денари, цената на лебот од 30 до 35 денари за една векна со различна тежина била висока. Потребите на земјава од пченица се околу 360.000 тони, а производството, според Асоцијацијата на земјоделци и фармери, е околу 230.000 тони. Другото се увезува од соседните земји.
Повеќе на Слободен печат
