Купувањето пченка од страна на Кина ги зголеми цените на пченката, а екстремната суша што го погоди најголемиот светски извозник Бразил продолжува да влијае на активностите на пазарот. Еден тон на париската берза EuroNext чини 254,75 евра, на чикшката CME 211,77 евра, а на MATIF 264,25 евра.
Извештаите што доаѓаат од Русија упатуваат на голема жетва на пченица и драстично намалување на извозните даноци во јуни што може да го зголеми извозот во наредниот период. Министерството на Рузија проценува дека жетвата на руското жито ќе изнесува 127,4 милиони тони.
Времето во Европа е сè уште нестабилно, но водечките производители како Франција и Германија имаа доволно врнежи, а залихите таму се многу добри, пренесува FranceAgrimer.
Минатата недела, цените на житото во САД нагло се зголемија по неодамнешниот пад. Министерството за земјоделство на САД објави дека повеќе од 5,6 милиони тони од претстојната берба на пченка биле продадени во Кина.
Во северните држави на Соединетите држави имаше доцна појава на мраз, кој ги оштети пченката и пченицата. Сепак, во поголемиот дел од средниот запад условите за сеидба биле добри, но скоро целиот американски појас во кој се одгледува пченка е премногу сув за растенијата да можат непречено да растат, пишува agrarheute.
Меѓународниот совет за житарки (ICG) ја зголеми прогнозата за пченка во сезоната 2021/22, истакнувајќи дека потрошувачката го надминува производството, а нивната проценка е дека пазарот за оваа култура ќе го забележи својот петти последователен дефицит.
Кинеската побарувачка на житарки, особено пченица, се очекува да остане многу висока бидејќи во моментов е поевтина од пченката.
Тоа ќе се одрази на глобалните цени на житните култури. Во моментов, цените за пченица на EuroNetx се 212,75 евра по тон, на CME 213,38 евра и на француската FOB – 214 евра. Понатаму, кинескиот увоз на овие две култури се искачи на рекордни нивоа оваа сезона, што ја зголеми вредноста и имаше огромно влијание врз глобалниот пазар на земјоделски култури. Меѓутоа, ако се покаже дека новата жетва на кинеска пченица е толку голема колку што очекуваат тамошните власти, тоа може да ја ослабне побарувачката за увоз.
