Нелојална конкуренција, намалени количини по пчелно семејство, се само дел од проблемите со кои се соочуваат пчеларите во Охридскиот регион. Посочуваат на потребата од позачестени инспекциски контроли, но велат и немаат организиран откуп и конкурентни цени за извоз., информира Сител.
Пчеларите од охридско бараат од надлежните позачестени контроли и поригорозни казни .
Најголемиот проблем за нелојалната конкуренција е што нема организиран откуп на пчелни производи, бидејќи се соочуваат со енормен увоз на ефтин мед од региони како што се Молдавија, Украина, Кина.
Лажниот мед се произведува во неадекватни услови и често е резултат на користење на шеќерни сирупи. За да не бидат измамени пчеларите апелираат до граѓаните да купуваат мед директно од производителите, а не од разни препродавачи.
Инаку, во регионот на Охрид и Дебрца има околу 350 пчелари.
