Пиварата Вернек од истоимениот град во Баварска која е основана во далечната 1617 година, престана да работи поради корона вирусот. Ги преживеа светските војни, економските кризи и децениите кога имало пад на потрошувачката на пиво, но после 400 години постоење сега се соочи со предизвик, кој не може да го преброди.
Оваа мала пивара која е во сопственост на истата фамилија од 1861 година, ги отпушти 15 те постојано вработени работници и голем број хонорарци и ја прекина локалната традиција во ова мало место кое има околу 10.000 жители.
Германската влада нареди забраната за масовни собирања да важи барем до 1 ви септември, а се проценува дека потоа би било потребно најмалку една година за малите пивари да се вратат на нивото на производство и продажба пред избивања на пандемијата од корона вирусот.
