Пајасен (Ailanthus altissima) се смета за еден од најинвазивните растителни видови во Европа. Ова листопадно дрво потекнува од Источна Азија, а од средината на 18 век се садело низ светот како украсна билка. Го нарекуваат и небесно дрво, дрво на боговите, рајско дрво.
Но, пајасенот се шири брзо и агресивно и го спречува растот на другите растенија во неговата близина. Најраспространето е во урбаните средини и покрај патиштата и постојано се шири. Има висина од околу 10 метри, а може да порасне и до 30 метри. Кората на дрвото е мазна и сива, со надолжни светлосиви ленти и големи листови.
Од земјиштето во пошироката област на Националниот парк „Крка“, како и на Пелешац, градовите Дубровник и Скрадин и населбите Стон и Мали Стон, според наредбата издадена од министерот за економија и одржлив развој на Хрватска, Томислав Чориќ на крајот на јули 2021 година, до 1 април 2025 година треба да се отстрани инвазивниот странски вид Ailanthus altissima (пајасен).
Инвазивните странски видови се една од главните закани за биолошката разновидност, имаат негативно влијание врз екосистемот и можат да имаат негативно влијание врз здравјето на луѓето. Листата на инвазивните странски видови кои предизвикуваат загриженост во Европската Унија во моментов вклучува 66 вида, а пајасенот е еден од нив.
Извор: jutarnji.hr
