АРНО со радост споделува дека годинава го слави јубилејното 10-то издание на менаџирање на натпреварот „Зелени идеи“ и ги кани сите оние кои имаат или само идеја за зелен социјален бизнис, или постоечка иницијатива, да се пријават на натпреварот кој е отворен до 6-ти мај. Целосната пријава и повеќе информации може да се најдат на www.zeleniidei.mk. За поддршка во аплицирањето граѓаните можат да се пријават за учество на бесплатни онлајн работилници и работилници во живо.
Промотивниот настан со кој се лансираше новиот повик се одржа во Europe House Скопје со учество на Мирјана Јосифоска -регионална победничка од минатата година, носителка на зелен бизнис за производство на шапки и стегачи од текстилни остатоци), Ирина Тошева -национална победничка на натпреварот и обучувачка на престојните работилници, Снежана Јанковиќ од Сојуз на извидници на Македонија- претставничка на најголемата интерактивна иницијатива за пошумување на опожарени подрачја- Боренка. На настанот имаше и онлјан вклучување од Црна Гора на Санда Ракочевиќ од Адп-Ѕид кои се координатори на регионалниот проектот EICEE каде АРНО е македонскиот партнер.
Настанот го отвори Ирина Јаневска од АРНО со презентирање на 10-те регионални македонски победници од изминатите 10 години и вовед во новите концепти на зелена економија.
„Ние сме благодарни што сме во оваа улога 10 години, и многу се радуваме што Македонија има 10 регионални награди. Со овој натпревар освен што носиме финансии во државата, носиме и знаење, ете и за новите концепти на зелена социјална економија (Теорија на крофна економија, регенеративна економијa и сл), а носиме и култура на транспарентност и соработка. Многу труд и љубов вложуваме во целиот процес, а и во сѐ што правиме со АРНО, 10 години, колку што постоиме.“ изјави Ирина Јаневска- претседателка на АРНО.
На настанот присутните играа квиз на знаење и имаа шанса да освојат шапка и стегачи од брендот „Мирјана Јосифоска“ и „Боренки“ преку кои ќе се сади дрво во нивно име. Онлајн говорничката Санда Раковиќ го претстави проектот „EICEE-Екосистем за екоиновации и циркуларна економија во Западен Балкан“ кој е поддржан од Европска Унија, и во рамки на кој до крајот на месецот ќе се објави повик за грантова поддршка за развој на циркуларна економија.
„Зелени идеи“ е годишен натпревар кој поддржува развој на мали, локални и одржливи бизнис идеи на Западен Балкан. Секоја година по тројца претставници од секоја од земјите се натпреваруваат во 2 категории за награди во висина од 5.000 или 10.000 долари .Здружението за социјални иновации „АРНО“, 10-та година по ред, го администрира националниот натпревар „Зелени идеи“ и се гордее што досега земјата има 10 регионални победници и вкупна инвестиција од 95 000 долари за развој на зелени бизниси во земјата: Првата кооператива на органски потрошувачи „Наша добра земја“ (2015), инцијативата за репарирање на стар мебел– „СПИН“ (2016), платформата „Храна за сите“ (2017 година), едукација преку илузионистички еко-пораки „Грин меџик продакшн“ (2017), „ Био смарт ориз“ одржливо производство на ориз (2019), „Challenger“ мобилна апликација која ги наградува граѓаните за одење пеш (2019), „Вајс адитив“ производство на прехранбен адитив од комиње (2020), „О-круг“ – производство на ароматизери и масла од отпадни кори од портокал (2021), Ве Дог Фуд (2022) прозиводство на протеинска искрана од инсекти и Мирјана Јосифоска (2023) шапки и модни додатоци направени од текстилни остатоци.
АРНО
