Вкупниот откуп и продажба на земјоделски производи во второто тримесечје од 2025 година достигнал 3,6 милијарди денари, што претставува раст од 7,2 проценти во однос на истиот период лани, покажуваат податоците на Државниот завод за статистика.
Најголемо зголемување е забележано кај откупот од индивидуалните производители, кој пораснал за 26,4 проценти. Овој податок укажува дека земјоделците сè повеќе ги пласираат своите производи преку откупувачите.
Од друга страна, продажбата на земјоделски производи од сопствено производство бележи намалување од пет проценти. Тоа значи дека дел од производството сè помалку се продава директно од земјоделските стопанства.
Според аналитичарите, трендот на раст кај откупот и пад кај сопствената продажба го отсликува зголемениот интерес на откупувачите и поголемата сигурност што земјоделците ја бараат при пласманот на своите производи.
ДЗС
