Според официјалната статистика и проценките, земјоделците во оваа земја посеале 518.600 хектари од оваа житарка, пишува Farmer..
Податоците од земјоделската управа Јордбруксверкет покажуваат дека површината е зголемена за 55.700 хектари односно 12 отсто. Споредено со 2022 година, засеани се околу 468.300 ха зимска и 50.300 ха пролетна пченица.
Според првите проценки за 2023 година, површината на земјоделско земјиште во Шведска изнесува речиси 3 милиони ха, од кои речиси 2,5 милиони хектари се обработливи, а над 457.000 ха се пасишта. Јордбруксверкет објави дека житарките и фуражните култури се одгледуваат на повеќе од еден милион хектари, што одговара на околу 71 отсто од вкупната земјоделска површина.
До крајот на шеесеттите години на минатиот век, доминантна житарка беше овесот, а потоа јачменот. Во последните десетина години примарното место го зазеде пченицата. За годинешната реколта под јачмен се околу 272.000 ха, додека овесот е на 149.900 ха, што е намалување за 8.500 ха во однос на претходната година.
Се зголемуваат и површините под маслодајна репка. Во однос на 2022 година, тие се зголемени за повеќе од еден процент, односно на 128.900 ха.
Овогодинешната површина за одгледување на оваа култура е најголема од 1965 година, кога почнаа мерењата на обработливите површини.
