При одгледувањето на тиквички многу е важен фактот дека не е препорачливо тие да се садат на површина на која предходно биле садени култури од фамилијата тикви, бидејќи често имаат заеднички штетници и болести кои во тој случај уште повеќе се развиваат.
Тиквичките брзо растат, имаат сочни плодови па затоа треба да има многу влага и хранливи состојки во почвата. Во лето и за време на сушните периоди потребно е да се обезбеди доволо вода за да се осигура рамномерен развој на плодот и доволна количина на хранливи материи во растението. Тиквичките се големи потрошувачи на хранливи материи, па важно е да им се обезбеди плодна почва.
Во фазата на растење се користат ѓубрива богати со кислород, а оние богати со фосфор и калиум потикнуваат создавање на цветови и плодови. Се препорачува прихрана на секои десет дена и тоа во вечерните часови кога порите на листот се отворени за да можат да ги впијат ѓубривата.
На тиквичките многу им одговараат природни ѓубрива од компост и лековити растенија, особено од гавез и коприва. Окопувањето на младите растенија после никнувањето е исто така од голема важност за растресување на почвата и заштитата од коров. Подоцна се препорачува мулчирање. Земјата така ќе остане растресена и подобро ќе се задржува влагата, а плодовите и листовите нема да лежат на почвата и ќе бидат помалку склони кон болести.
Со редовно берење се зголемува приносот на младите растенија и се поттикнува создавањето на нови плодови. Добро прихранетото растение со редовна берба може да даде 20-30 плодови, а тоа може да значи принос од 20 – 40 тони од хектар. Се бере со нож или со ножици.
При одгледување на отворено, тиквичките се берат од почетокот на јули до крајот на август во континенталните подрачја, а во медитеранските подрачја, бербата почнува околу 2 недели порано. Ако ластарите и лисјата се здрави, може да се берат до 2 месеци. Се пакуваат во плитки гајби до 5 кг или во картонски кутии. Ако е потребно можат да се чуваат на температура од 10 °C и 95 % релативна влажност на воздухот најмногу една недела.
Извор: Аgroportal.hr
