Во Франција стравуваат дека новиот бран птичји грип ќе остане присутен засекогаш. Причината за ова е што ветровитите карпи на островот Роузик се преполни со морски птици.
Ова лето, на францускиот брег на Атлантикот се случил несезонски бран и значително го намалил нивниот број, наведува Ројтерс.
Оправданите стравувања дека грипот може да остане ризичен во текот на целата година и да стане ендемски за дивите животни се засноваат на поморот на илјадници морски птици долж западниот брег на Франција.
Тоа претставува опасност за живинарската индустрија, која е втора по големина во Европската Унија. Таа веќе трпи големи загуби, бидејќи овој сектор беше принуден да уништи повеќе од 19 милиони живина поради појавата на грип.
Покрај тоа, француските живинари укажуваат дека увозот на пилешко месо од Украина е зголемен како резултат на укинувањето на прилагодените царински давачки на ЕУ. Тие побарале испораките веднаш да се прекинат.
Во јуни, Унијата накратко ги укина царините за да и помогне на земјата разорена од војната и ги суспендираше квотите за украинската земјоделска стока. Ова вклучуваше 70.000 тони живина од оваа земја годишно и предизвика зголемување на увозот за 54 проценти. Вкупната количина за 2022 година се предвидува на 130.000 и 180.000 тони. Цената на месото од увоз е речиси 50 отсто пониска од онаа на домашното производство.
Увозот дополнително беше поттикнат од падот на домашното производство. За 122 отсто пораснал и увозот од Бразил, од каде пристигнува поевтина стока.
Сето ова доаѓа како шок за секторот во Франција, кој веќе е погоден од птичји грип и скапи инпути, особено трошоците за житарки и зголемените цени на енергијата.
