We Effect е организација за развој и соработка формирана во 1958 год. од страна на шведско движење за соработка со цел борба против сиромаштијата. Седумдесет шведски кооперативни и/или приватни компании и организации се членки на We Effect.
Мисијата на We Effect е пружање можности на луѓе кои живеат во сиромаштија да ги подобрат условите за живот, заштита на нивните права и придонесување кон праведно општество. Фокусот на We Effect е одржлив рурален развој и заштита на правата на жените.
Таргет групи за развојна соработка се партнерски организации и нивните постоечки и потенцијални членови. Развојните активности на We Effect се разработуваат во дијалог со партнерските организации и се карактеризираат со одговорност, транспарентност и недискриминација. Нашите вредности се почит, транспарентност и заедништво.
We Effect е присутна во повеќе од 20 земји ширум Африка, Азија, Европа и Латинска Америка, а регионалната канцеларија на We Effect за Европа е присутна во Албанија, Босна и Херцеговина, Косово и Северна Македонија. За повеќе информации посетете ја веб страницата https://weeffect.org/ и Facebook страницата https://www.facebook.com/WeEffectEurope .
Програмата на We Effect за период 2023-2027 година е финансирана од одделот за цивилно општество на шведската меѓународна организација за развој и соработка со цел операционализација на ROEU Регионална стратегија 2023-2027. We Effect е во потрага по партнерства со квалификувани НВО, асоцијации и слични организации кои се регистрирани и активни во Северна Македонија, а кои ги споделуваат клучните вредности на We Effect и работат на одржлив рурален развој.
Текстот на повикот за предлог-партнерства ја содржи регионалната стратегија на We Effect Europe Region заедно со Partner Assessment Basic Information and Alignment документ кој ги содржи сите специфични барања за потенцијално партнерство со We Effect во Северна Македонија. За повеќе информации околу повикот и начинот на аплицирање, посетете го линкот во продолжение:
