Агенцијата за финансиска поддршка во земјоделството и руралниот развој (АФПЗРР) го објави новиот јавен повик бр. 02/2024 за Мерка 7 „Диверзификација на фарми и развој на бизниси“ од ИПАРД III програмата.
На јавниот повик може да аплицираат физички и правни лица кои ги исполнуваат критериумите за подобност. Прифатливи трошоци во рамки на инвестициите се изградба/реконструкција на објекти, набавка на нови машини, опрема, фотоволтаици итн.
Финансиски средства по поединечно барање се доделуваат како неповратна финансиска поддршка (грант) во износ од:
60% од вредноста на вкупно прифатливите трошоци на инвестициите за мерка Диверзификација на фарми и развој на бизниси
Процентот се зголемува до 70% за инвестиции предложени од млади земјоделци и/или сертифицирани органски производители и за колективни инвестиции.
Процентот на кофинансирање може да се зголеми за дополнителни 10% за инвестиции поврзани со управување со отпад, обновлива енергија и инвестиции од типот на циркуларна економија
Крајниот рок за поднесување на барањата е 20 декември 2024година
Вкупната финансиска поддршка во рамките на овој јавен повик за мерка 7 “Диверзификација на фарми и развој на бизниси“ 14.000.000,00 евра.
- Поддршка на руралниот туризам
- Алтернативно земјоделско производство
- Преработка на алтернативни земјоделски производи
- Производство на храна и пијалаци
- Поддршка на занаетчиски активности
- Поддршка на услуги за руралното население, само следните подсектори:
- Услуги за престој и нега (домови за стари лица, за рехабилитација, итн.)
- Услуги за дневно згрижување на деца
- Поддршка на услуги во земјоделството, само следниот подсектор:
- Воспоставување и унапредување на ветеринарните служби
За повеќе информации и изготвување на апликации испратете e-mail на 
[email protected] или јавете се на телефонскиот број: 
070 267 789.
