Последните 20 години е забалежан значителен пораст на природните катастрофи што се последица на климатската криза, се наведува во извештајот на Обединетите нации, во кој се додава дека светот ќе стане „ненаселлив пекол“ за милиони луѓе, доколку надлежните не го решат тој проблем.
Научниците само што укажаа на неуспехот на политичките и деловните лидери да превземат значајни мерки за да го ублажат влијанието на климатските промени. Како што наведоа, пандемијата на корона вирусот, која однесе повеќе од милион животи на глобално ниво и зарази најмалку 37 милиони луѓе во светот, го откри неуспехот речиси на сите нации, да го спречат бранот на смртта и болеста и покрај константното повторување на предупредувањата од стручњаците.
Податоците велат дека помеѓу 2000. и 2019. Година имало 7.348 големи природни катастрофи, вклучувајќи, земјотреси, цунами и урагани, а истите тие однесоа 1,23 милиони животи и оставија последици на 4,2 милијарди луѓе и резултираа со глобални економски губитоци од 2,97 милијарди долари.
Како што се истакнува, тое е скоро двојно повеќе од 4.212 катастрофи кои се забележани од 1980 до 1999 година.
Поголем број од тие катастрофи биле поврзани со климата, а исто така биле пријавени и голем број на поплави, бури, суши, урагани и шумски пожари кои во последните 20 години значително се зголемиле.
Наглото зголемување на природните катастрофи е поврзано со порастот на глобалните температури за кои научниците велат дека ја зголемуваат зачестеноста на екстремните временски прилики.
– „Збунувачки е што свесно продолжуваме да сееме семе за сопствено уништување. Всушност мораме да го подобриме начинот на управување, доколку сакаме да ја спасиме оваа планета од сиромаштија и понатамошно губење на видовите и биодиверзитетот, а и да ги намалиме најлошите последици од глобално затоплување“, потенцираат од ОН.
Азија била најмногу погодена со климатските катастрофи во последниве 20 години и на тоа подрачје потврдени се 3.068 такви случаи во перидот помеѓу 2000 и 2019 година.
Во тој временски период во САД се забележани 1.756 климатски катастрофи и 1.192 во Африка. Најлошо погодена земја во псоледниве две децении е Кина, за што придонесуваат 500 регистрирани катастрофи, а во САД биле регистрирани 467.
Меѓу најсмртоносните, кои се сметаат за огромни катастрофи, настрадале повеќе од 100.000 луѓе и станува збор за цунами во Индискиот океан 2004, циклонот Наргис во Мјанмар 2008 и земјотресот на Хаити во 2010 година.
Во извештајот е споменато дека е постигнат одреден успех во заштита на ранливите заедници благодарение на подобрите системи на предупредување.
Моментално постои закана темепратурите во светот да пораснат за 3,2 степени па дури и повеќе, освен ако индустриските земји, драстично не ги намалат емисите на гасови на стаклена градина.
– “Тој предвиден пораст на температурата е доволен за зголемување на зачестеноста на екстремните климатски случувања ширум светот“, се наведува во извештајот.
Извор: Rtv.rs
