Најголемиот италијански извозник на јаболка „Аgrokooperativa Vog“, на своето производствено портфолио додаде три нови сорти на јаболка кои имаат единствен вкус и подолг рок на траење.
На јавноста и беа прикажани три нови перспективни сорти, кои ќе се најдат во новите насади со јаболка во регионот на Јужен Тирол.
Од нив, моментално најпозната е сортата Cosmic Crisp, која за прв пат е претставена на американскиот пазар кон крајот на 2019 година, а за нејзината улога и значење веќе е дискутирано помеѓу одгледувачите во државата Вашингтон.
Останатите две сорти Ipador и CIVM49, кои ќе се продаваат под имињата Giga и RedPop се помалку познати.
За најголемиот италијански извозник на јаболка„Аgrokooperativa Vog“, чии одгледувачи први во светот ќе ги произведуваат овие сорти, тоа е единствена можност, на купувачите да им понудат јаболка со уникатни карактеристики.
Што ќе донесат на пазарот новите сорти?
Сортата Giga е округла, со црвена боја однадвор и жолто месо. Нејзиниот вкус има „вкусни ноти во опсег од банана преку мед до цимет и сушено овошје“.
Оваа сорта е мешавина на две псотоечки сорти: GoldRush, која всушност е слична на Златниот делишес, но со малку покиселкаст вкус и сортата Nicoter која се продава под брендот Kanzi.
Giga ќе се бере на почетокот на октомври и ќе се продава од јануари до август. Според меѓуанродната организација Pome Fruit Alliance, овие јаболка се сочни крцкави и многу цврсти, со извонредно долг потенцијал за складирање и извонреден рок на траење.
Од друга страна, вкусот на сортата RedPop е во опсег „од слива до сушено овошје и мед“. Исто така е со црвена боја со жолта позадина, со помала големина и благ линиски изглед. Добиена е како резултат на вкрстување на две сорти: Gala и Coop39 , познати на пазарот како Crimson Crisp.
Според CIV, овие јаболката се благи и крцкави со голем потенцијал за долго складирање. Се береат многу порано и тоа од средината на август до средината на септември и се продаваат од јануари до август.
Италијанската фирма „Аgrokooperativa Vog“, веќе започна и со органско производство на двете сорти.
Извор: domacinskakuca.rs
