Тематски парк наречен „Ел Пасо Сити“ е отворен на 14 километри од центарот на Златибор и веќе ги пречека првите туристи. Комплексот, кој го сочинуваат каубојски град, индијанско село и традиционално златиборско село со црква, но и современи содржини, како кафе, слаткарница, теретана, објекти и соба за сместување на гостите, како и музеј на стари предмети, се протега на околу шест хектари.
Ова е необична населба, за која Туристичката организација Златибор наведе дека е нова туристичка атракција и наречена е по истоимениот град на границата помеѓу САД и Мексико.
Каубојскиот дел е составен од реплики на салун, коњушница, банка, пошта, берберница, канцеларија на шерифот и затвор, како и индијанска населба, која е наречена по поглавицата Бик. Сите ови објекти се одвоени од златиборските дрвени колиби со река, која ја симболизира Рио Гранде.
Во соби со лик на каубојски запрежни коли и 12 дрвени златиборски колиби се нуди сместување за околу 100 гости.
Комплексот е, замислен како спој помеѓу две култури од различни делови на светот, односно американскиот и српскиот начин на живот од 1865 до 1890 година.
Соственикот Милија Чумиќ, наведува дека во тој туристички комплекс се почитуваат сите мерки на заштита, поради епидемијата од корона вирусот.
Посетите се наплатуваат и влезницата за возрасни чини 350 динари, а за деца 300 динари, додека поединечна карта за групни посети чини 250динари, односно за деца 200 динари.
Извор: Danas
