Нов Зеланд ќе воведе забрана за извоз на жив добиток по морски пат од април 2023 година. Како причина за тоа е наведена загриженоста за благосостојбата на животните, а одлуката ќе влијае на главните трговски партнери на земјата, меѓу кои и Австралија и Кина.
Долго најавуваната забрана доаѓа откако брод со речиси 6.000 крави и 43 членови на екипажот што исплови од Нов Зеланд се преврте кво близина на Јапонија во 2020 година.
Министерот за земјоделство на Нов Зеланд, Демиен О’Конор изјави дека законот за забрана на извозот ќе ја зачува репутацијата на Нов Зеланд како глобален лидер во стандардите за благосостојба на животните.
Сè уште е дозволен воздушен карго извоз на живи животни.
