Повторно е пријавен случај на африканска свинска чума во Србија. Локалната ветеринарна дирекција на Министерството за земјоделство издаде одлука со која за заразена областа се прогласува областа во радиус од три километри околу изворот на инфекцијата во Гњилане, и ги опфаќа местото Барје Чифлик и градот Пирот.
Покрај тоа, областа во радиус од најмалку 10 км околу жариштето се прогласува за загрозено подрачје од инфекцијата.
„Во дворот каде што беа забележани три смртни случаи од АСТ, преостанатите свињи беа еутаназирани и забранет е транспорт и преместување на животните“, изјави директорот на Ветеринарната клиника во Пирот Дејан Живиќ за порталот Plus online и додаде дека треба да поминат најмалку 40 дена од дезинфекцијата за да се дозволи повторно промет во таа област.
На сопствениците кои сакаат да колат свињи за сопствени потреби, ветеринарниот инспектор може да им издаде дозволи за тоа.
„Ќе земеме брисеви од свињите наменети за колење и ќе ги испратиме на анализа, а резултатите ќе пристигнат за еден ден или два“, додаде тој.
На сопствениците им се препорачува да ги зголемат мерките за сигурност, да извршат дезинфекција и според временските услови и дезинсекција. Пропишаните мерки забрануваат купување свињи однадвор.
Да потсетиме, пред една година беше прогласена АСТ во областа Пирот, а според наредбата на Ветеринарната управа, започна контролата на здравствената состојба, попишувањето и обележувањето на домашните свињи во одредени села од таа општина. Многу свињи тогаш биле еутаназирани.
Извор: Агроклуб
