Денеска го одбележуваме започнувањето на значаен проект што ќе го зајакне управувањето со шумските пожари и ќе придонесе за климатска отпорност и декарбонизација на нашето општество. Проектот вреден 1 милион евра, се реализира со поддршка од ФАО, под водство на Канцелацијата на Претседателот на Владата, а Министерството за земјоделство, шумарство и водостопанство е главен корисник, информира министерот за земјоделство, Цветан Трипуновски.
Ќе се воспостави модерен тренинг центар за справување со шумски пожари и ќе се обучат над 100 претставници од клучни институции;
Ќе се воведат нови технологии за следење и рано откривање пожари: дронови, сензори, камери и сателитски податоци;
Ќе се подготви Национален план за заштита на шумите од пожари;
Ќе се унапреди системот за размена на климатски информации и ќе се подигне јавната свест за улогата на шумите во климатската акција.
Овој проект претставува важен чекор кон одржливо управување со природните ресурси, заштита на шумите и исполнување на нашите климатски цели до 2030 година.
