Пчеларите во Хрватска чекаат да дознаат што се случува на нивите во Меѓумурје, Подравина и Славонски горје.
Пчелар од Прелог изгубил десетина кошници, а неговите 700.000 пчели угинале. Но, ова не е единствениот случај. Според Дневник.хр, милиони мртви пчели се пронајдени во Меѓумурје, Подравина и Славонско горје.
„Отидоа уште подалеку затоа што пчелата е камиказа – не умира дома, далеку оди за да умре“, рекол еден пчелар.
Нервин Грабант, исто така пчелар од Прелог, додава дека може да се насети дека нешто се случува на нивите, но никој не знае што точно додека не се утврди состојбата.
„Имаме големи штети од угинувањето на пчели кои испрскани и убиени останаа на земјоделските површини“, вели Зденко Радиковиќ, додавајќи дека некои фармери ги прскале нивите среде бел ден.
„Тоа треба да се прави две недели пред цветањето, но тие доцнат и прскаат кога веќе дел од репката ќе почне да цвета“, додаде тој.
Иако пчеларите избегнувале јавни истапи за да не изгубат муштерии, сега веќе немаат што да загубат. Велат дека не се плашат дека клиентите ќе ги избегнуваат нивните производи поради инсектициди.
„Работата е во тоа што луѓето веќе нема да можат да купуваат ништо бидејќи нема да имаме мед“, заклучи Грабант.
