Нашата упорност даде резултат. За плус 35 денари се зголемува откупната цена на тутунот, и веќе на терен големите откупувачи склучуваат анекси на договорите со тутунарите.
Уште од самиот почеток на бербата и откупот посветено ги менаџираме разговорите меѓу откупувачите и тутунарите. Ги користиме сите можности како да достигнеме фер цена која ја почитува маката на тутунарите.
Покрај фер цена наша главна цел е и развој на тутунопроизводството. Како министерство оваа реколта за 20 денари ја зголемуваме субвенцијата по класи предаден тутун, и креираме нова мерка за субвенција по пријавена површина тутун.
Веќе утре во Прилеп заедно со откупувачите имаме нов состанок на кој ќе разговараме за мерките што би значеле развој и одржливо производство на тутун, напиша на социјалните мрежи министерот Љупчо Николовски.
