Соработката со Република Бугарија во делот на земјоделството е од особено значење за билатералната и трговската соработка на двете држави, порача од Софија минстерот за земјоделство, шумарство и водостопанство, Љупчо Николовски.
Денеска во рамки на заедничката седница заедно со колегите министри од Република Бугарија, го одржавме првиот состанок со работната група за економија, енергетика, финансии, иновации и развој, инвестиции и земјоделство. За нас како земја лидер во регионот по искористенот на ИПАРД програмите, е значајно искуството на Република Бугарија во имплементацијата на Инструментите за претпристапна помош во ЕУ. Дијалогот што го започнуваме на експертско ниво за овие области и потпишувањето на меморандумите, ќе ја поттикне економската соработка помеѓу двете држави. Експертските тимови од двете држави, започнуваат со работа веднаш. Сигурен сум дека многу брзо ќе испорачаме резултати, рече Николовски.
