-Постигнавме нов рекорден, историски договор со кој уште повеќе ќе ги поддржиме лозарите и винариите. Се воведува дополнителна мерка од 2 денари по килограм за лозарите.
Ова значи дека на веќе договорените 13 и 15 денари по килограм, цената на откупната цена на грозјето ќе достигне 15 денари за смедеревката и 17 денари за вранец. Ако на ова ги додадеме и субвенциите од 40.000 денари по хектар, стигнуваме до плус 3 денари по килограм што значи дека со сета наша поддршка и коректниот однос на винариите, лозарите добиваат вкупно 18 денари по килограм за смедеревка и 20 денари по килограм за вранец.
Ова е рекорд, и што е најважно, постигнат е договор преку дијалог од кој сите се задоволни и вроди со успех.
Оваа Влада секогаш ги поддржувала и ќе ги поддржува лозарите, винариите и сите земјоделци.
Фејсбук-статус на министерот Љупчо Николовски
