Министерот Николовски имаше онлајн поздравно обраќање на тема “Состојбата на климата во Европа 2021 година” на Регионалната конференција РЕКО 2022 која се одржува во Женева.
Нашата земја заедно со други земји од регионот доживува зголемени влијанија од климатските промени кои се одразуваат на општеството во целост, но и на функционирање на многу клучни сектори, особено во земјоделството.
Свесни сме дека природните катастрофи се неизбежни, но градењето на систем за навремена и точна прогноза, може да помогне за подобра подготвеност, и ублажување на ризиците поврзани со загубите на земјоделските култури. Имајќи ја во предвид важноста на системите за рано предупредување за временските услови, метеоролошките и хидролошките катастрофи во Европа и светот, Владата на Република Северна Македонија ја вреднува и продолжува соработка со Светската метеоролошка организација.
