Николовски: 4.600 млекопроизодители на своите сметки ја добија премијата за произведено и предадено млеко во период октомври – декември 2021 година

Министерот Љупчо Николовски информираше дека близу 4.600 млекопроизодители на своите сметки ја добија премијата за произведено и предадено млеко во период октомври – декември 2021 година.
Корисници на оваа поддршка се производителите на кравјо, овчо и козјо млеко кои сопственото производство го имаат предадено на регистриран откупувач на сурово млеко – запишан во Регистарот на откупувачи на земјоделски производи.
„Во време на најголемата воена, економска и енергетска криза, пред новогодишните и божиќни празници ги исплативме земјоделците и успеавме да останеме нивен достоен партнер.“, напиша Николовски во објавата на Фејсбук.