Во текот на денешниот ден нашата територија ќе се наоѓа под влијание на фронтален систем кој се спушта од север, и под влијание на влажна и нестабилна воздушна маса која на повеќе места ќе услови нестабилно време со пороен дожд, грмежи и засилен ветер. Локално процесите ќе бидат ПОИНТЕНЗИВНИ и застапени во форма на НЕВРЕМЕ проследено со обилен пороен дожд, силен ветер, електрични празнења и појава на град.
Максималните дневни температури на воздухот, особено на север ќе бележат тенденција на позначително опаѓање и ќе се искачуваат во интервалот од 22 до 30 степени Во Скопје и околината времето ќе биде променливо и нестабилно со локална појава на пороен дожд, грмежи, засилен ветер и услови за локална појава на град. Максималата дневна температура ќе бележи тенденција на опаѓање и ќе се искачи до околу 25 степени.
Потоа локална нестабилност ќе имаме и утре проследена со пороен дожд, грмежи и засилување на ветерот, и тоа особено попладне.
Од понеделник следуваат неколку денови со стабилно, суво и се потопло време и тоа поради продор на значително потопла воздушна маса од југ. Температурите на воздухот ќе бележат тенденција на значителен пораст.
Временската прогноза ја подготви Славчо Попоски
