Американскиот претседател, Доналд Трамп на платформата Truth Social објави дека се откажува од планираните царини.
„Врз основа на многу продуктивниот состанок што го имав со генералниот секретар на НАТО, Марк Руте, ја формиравме рамката на идниот договор во врска со Гренланд и, всушност, целиот арктички регион. Ова решение, доколку се имплементира, ќе биде одлично за Соединетите Американски Држави и сите земји-членки на НАТО.
Врз основа на ова разбирање, нема да ги воведувам царините што беа планирани да стапат на сила на 1 февруари. Во тек се дополнителни дискусии во врска со „Златната купола“ во врска со Гренланд. Повеќе информации ќе бидат достапни како што продолжуваат дискусиите. Потпретседателот Џ.Д. Венс, државниот секретар Марко Рубио, специјалниот пратеник Стив Виткоф и други, по потреба, ќе бидат задолжени за преговорите – и ќе ми известуваат директно мене. Ви благодарам за вашето внимание по ова прашање!“, напиша Трамп.
Извор – Рацин
