Годинава првите јагоди на пазарот во Србија имаа цена од околу 4-5 евра за килограм, но со доаѓање на поголеми количини цената полека почна да паѓа. Исто така, честите врнежи за време на бербата значително влијаеја на квалитетот на јагодите на отворено, што доведе до тоа поголеми количини од овие плодови да се преработуваат.
Покрај џем и ликер, на еден имот во село Загорица е произведена и ракија од ова овошје, која, според нашиот соговорник, има фантастичен вкус. „Годинава имав малку поголема количина на јагоди, а поради увозот на ова овошје цената почна брзо да паѓа и решив дел од него да мелам за ракија. Подготовката ја направив како за дуња или кајсија, додадов ензими, квасец и храна за квасец. Според мене, добиената ракија е извонредна, со пријатни, многу интензивни ароми, без негативни вкусови, киселост“, открива за RINA Драган Јовановиќ.
Бидејќи ракија од јагоди ретко се прави, а е со извонреден квалитет, овој домаќин од Загорица вели дека цената на овој пијалок мора да биде висока. Токму затоа и не очекува да има многу заинтересирани купувачи. „За еден казан потребни се 120 килограми јагоди плус ензими, квасец за овошни ракии и храна за квасец. Кога тоа ќе го претвориме во пари, доаѓаме до цифра од околу 400 евра по еден казан, во просек добивав околу осум литри ракија со 18 степени.
Пресметката е едноставна, мене ме чини 50 евра за литар“, нагласува Драган. Додава дека ракијата можел да ја испече и на друг начин, со додавање на околу 20 килограми шеќер по казан, со што би се зголемил волуменот на добиената ракија, но би се намалил квалитетот. Но како што вели, сака да работи на квалитет, а не на квантитет.
Извор: RINA
