Фармер од Германија продал околу 6.650 свињи и 350 говеда од лажно органско одгледување. Судењето почнало.
На судот во Шверин, на северот на Германија почнало судењето на земјоделецот од околината на Либтен, кој наводно своите животни ги продавал како органски одгледувани и со тоа заработил повеќе од еден милион евра.
Според пишувањето на NDR, има сомнение дека во периодот од 2010 до 2015 година продал околу 6.650 свињи и 350 говеда од лажно органско одгледување.
На почетокот на судењето обвинетиот 60-годишник признал дека ги фалсификувал сметките за купување еколошка храна за животни. Интересен е податокот дека инспекцијата не утврдила неправилности при проверка на сметките.
Германските медиуми известуваат дека во прилог му оди тоа што контролите лошо се спроведувале, а се верува дека ревизорот му бил познаник.
Според обвинението, штетата се проценува на 1,6 милиони евра. Со лажирање на потеклото на месото, обвинетиот се товари дека го скрил и точниот износ на приходи со што ја оштетил државата за субвенции.
Се очекува дека судењето ќе трае до средината на март.
Извор: agroklub.rs
