На фармите во Германија има се помалку свињи. Статистичарите забележуваат дека според податоците од 3 ноември имало 21,3 милиони грла. Тоа е нагол пад од повеќе од 10%, односно 2,4 милиони животни за една година, пренесуваат германските медиуми.
Само од 2020 година, бројот на свињи е намален за речиси една петтина (18,2%). За споредба, во 1990 година во Германија имало околу 30,8 милиони свињи.
Многу фарми се во проблеми, меѓу другото, поради скапите енергенси, ѓубрива и добиточната храна, објаснуваат статистичарите. Во исто време, има повеќе големи фарми – просечниот број на свињи на големите фарми се зголеми од 949 на 1.259.
Бројот на говеда, пак, остана речиси ист во однос на последното истражување од 3 мај, на околу 11 милиони грла.
