Муамер Сефери официјално ја презеде функцијата вршител на должноста директор на Јавното претпријатие „Паркови и зеленило“. Тој доаѓа на оваа позиција како кадар на Коалицијата ВЛЕН, поточно од Движењето БЕСА.
Информацијата ја потврди самиот Сефери преку објава на социјалните мрежи, нагласувајќи дека оваа позиција за него претставува „голема доверба и сериозна обврска“.
Ветувања за транспарентност и професионализам
Во своето прво обраќање, новиот директор најави дека ќе работи во интерес на јавното добро.
„Оваа функција претставува голема доверба и сериозна обврска да работам со посветеност, транспарентност и професионализам во служба на граѓаните и јавниот интерес“, истакна Сефери.
Благодарност до Касами и ВЛЕН
Сефери упати посебна благодарност до лидерот на Движењето БЕСА, Билал Касами, како и до лидерите на коалицијата ВЛЕН, за укажаната доверба. Тој им се заблагодари и на активистите за поддршката.
„Убеден сум дека преку чесна работа, ефикасно менаџирање и институционална соработка, ќе постигнеме конкретни резултати во подобрувањето на зелените површини и јавните услуги“, порача новиот директор.
