Директорот на Агенцијата за храна и ветеринарство, Зоран Атанасов, во соработка со претставници од Министерството за земјоделство, шумарство и водостопанство остварија средба со млекопроизводителите на која дискутираа за одредбите од Правилникот за квалитет на млеко и за Програмата за субвенционирање на високо млечни грла, информираат од АХВ.
Присутните млекопроизводители го изразија своето задоволство од воведените мерки со Програмата и нагласија дека нејзината долгорочна имплементација ќе резултира со зголемување на сточарскиот фонд и со зголемување на количината на произведено високо квалитетно млеко со што ќе станеме конкурентни на пазарот на Европската унија бидејќи Република Северна Македонија е земја која е одобрена за извоз на млеко и производи од млеко во земјите членки на ЕУ.
