Facebook Youtube
Agrotim.mk
Ad image
  • Дома
  • Агровести
  • Пазари
  • Субвенции
  • Фондови
  • Механизација
  • Рурален Развој
Читате: МЕМО воведува тргување со негативни цени и ги усогласува ценовните прагови со европските берзи на електрична енергија
Agrotim.mkAgrotim.mk
Зголеми текстAa
Пребарај
  • Дома
  • Агровести
  • Пазари
  • Субвенции
  • Фондови
  • Механизација
  • Рурален Развој
Заследи не
СИТЕ ПРАВА СЕ ЗАДРЖАНИ © АГРОТИМ МК - 2024
Agrotim.mk > Рубрика > Агровести > МЕМО воведува тргување со негативни цени и ги усогласува ценовните прагови со европските берзи на електрична енергија
Агровести

МЕМО воведува тргување со негативни цени и ги усогласува ценовните прагови со европските берзи на електрична енергија

Објавено 19/11/2026
Сподели
4 мин. за читање
Сподели
Ad imageAd image

Националниот оператор на пазар на електрична енергија – МЕМО ДООЕЛ Скопје, од денеска овозможува доставување понуди и налози за тргување со негативни цени на организираниот пазар на електрична енергија. Со оваа промена, како што велат од компанијата, продолжува реализацијата на Реформската агенда, преку усогласување на минималните и максималните ценовни прагови со оние на европските берзи за пазарот ден однапред и пазарот во тековниот ден.

-Со измените, ценовните прагови на пазарот ден однапред (MATS) се менуваат од досегашниот интервал од 0,10 до +1.000,00 EUR/MWh на нов опсег од -600 до +4.000 EUR/MWh. На пазарот во тековниот ден (M7), досегашниот опсег од 0,10 до +9.999,99 EUR/MWh се проширува на -9.999,99 до +9.999,99 EUR/MWh. На овој начин, на учесниците им се овозможува поголема флексибилност и поефикасно управување со нивните пазарни позиции, особено во периоди на зголемено производство од обновливи извори на енергија – прецизираат од МЕМО.

Како што нагласуваат, воведувањето на негативните цени овозможува пазарните механизми пореално да ги одразуваат условите на понудата и побарувачката. Негативната цена најчесто е сигнал дека во одреден период производството на електрична енергија ја надминува потрошувачката, односно дека на пазарот постои вишок електрична енергија.

-Негативните цени се дел од развојот на современите пазари на електрична енергија и претставуваат механизам преку кој пазарот ги одразува реалните состојби на понудата и побарувачката. Кога производството во одреден период е поголемо од потрошувачката, цената испраќа сигнал дека е потребно подобро управување со производството, зголемување на потрошувачката или активирање дополнителни капацитети за флексибилност и складирање – посочуваат од МЕМО.

- Реклама -
Ad image

Нагласуваат дека е важно што можноста за доставување налози со негативни цени не значи дека со воведувањето на оваа функционалност автоматски се формира негативна пазарна цена. Станува збор за проширување на можностите за тргување, при што цените и понатаму ќе се формираат врз основа на пазарните услови, односно понудата и побарувачката.

-Оваа функционалност има особено значење за производителите на електрична енергија од обновливи извори. Кај соларните електроцентрали, најголемото производство се остварува во часовите со најголемо сончево зрачење, што може да доведе до зголемена понуда на електрична енергија и пониски пазарни цени. Во такви услови, негативните цени создаваат дополнителен поттик за попрецизно планирање на производството, инвестиции во батериски системи за складирање и примена на решенија за поефикасно управување со енергетските позиции – велат од МЕМО.

Европското искуство, додаваат, покажува дека негативните цени се сè позастапен дел од динамиката на пазарите на електрична енергија, особено во услови на зголемено производство од обновливи извори.

-Важно е македонскиот пазар да располага со механизми што ќе ги одразуваат реалните пазарни услови и ќе овозможат подобра интеграција со европскиот енергетски пазар. Со оваа промена, МЕМО продолжува да придонесува кон развојот на модерен, транспарентен, конкурентен и ефикасен пазар на електрична енергија, како и кон неговото понатамошно усогласување со европските практики – истакнуваат од МЕМО.

МИА

Може да ви се допадне

Состојба на земјоделските култури и агрометеоролошка прогноза за периодот после 19.11.2026 година
АХВ: Почна вакцинацијата на ситниот добиток против болеста сипаници кај овци и кози
Во Штип саниран и вториот дефект на главната водоводна линија, високите зони постепено добиваат вода за пиење
Сезонскиот карактер на пожарите на ниво на предел во Западен Балкан
Делови од Кисела Вода, Петровец, Сопиште без струја
Таг:електрична енергијамемотргувањеценовните прагови
Претходен напис Состојба на земјоделските култури и агрометеоролошка прогноза за периодот после 19.11.2026 година
Следен напис Во текот на ноќта и утре претпладне засилен ветер и дожд
Остави коментар Остави коментар

Напишете коментар Откажи одговор

Вашата адреса за е-пошта нема да биде објавена. Задолжителните полиња се означени со *

Ad imageAd image
Ad imageAd image
Ad imageAd image
Ad imageAd image
Ad imageAd image
Ad imageAd image
Ad imageAd image
Ad image
Страници

Агенција за финансиска поддршка во земјоделството и руралниот развој


Агенција за храна и ветеринарство


Регистри на државно земјиште


Електронско наддавање


ИПАРД


Државен инспекторат за земјоделство


Агенција за поттикнување на развојот на земјоделството


Консолидација на земјоделско земјиште


Македонски почвен информативен систем (МАСИС)


Кампања на ЕФСА „Стоп за африканската свинска чума“


МЗШВ закони


/ Накратко за нас /

Агротим.мк е платформа за модернизација и развој на агросекторот.
 

Агротим.мк функционира како сервис на земјоделците и претставува систем кој ги интегрира сите чинители во овој сектор – Земјоделските примарни производители, преработувачите, откупувачите, трговците и Владата преку доближување на мерките кои се во интерес на профитабилен агробизнис.

Голем дел од нашиот ангажман го посветуваме на едукација на земјоделците преку директни контакти и средби, а со цел приближување на европските стандарди за конкурентно и профитабилно земјоделство.

/ Страници /

  • • За нас
  • • Импресум
  • • Маркетинг
  • • Услови за користење
  • • Контакт
СИТЕ ПРАВА СЕ ЗАДРЖАНИ © АГРОТИМ МК - 2024
Welcome Back!

Sign in to your account

Lost your password?