Седум милиони еднодневни машки пилиња се убиваат секоја година, со различни методи бидејќи не се користат за производство на месо и јајца. Израелска лабораторија нашла решение, објави Ројтерс.
Доктор Јувал Цинамон и неговиот тим откриле генетска особина поврзана со полот која го запира развојот на машките ембриони кратко време по полагањето на јајцето.
„Ги земаме јајцата и ја активираме генетската особина со помош на сина светлина која веднаш предизвикува машките единки да престанат да се развиваат. Женките не ја носат оваа особина и се целосно генетски немодифицирани, како и конзумните јајца што ги несат“, објасни Цинемон.
Значи од јајцата се изведуваат само женки. Неизведените машки јајца може да се користат за други цели како што е добиточната храна, објаснуваат тие.
Јарит Вајнберг, извршен директор на Poultry by Huminn, која има лиценца за комерцијализација на истражувањето, сака да ја донесе технологијата во инкубаторите ширум светот.
„Во напредни разговори сме со компании за генетика и нашите методи ќе се видат на пазарот во рок од две години. Тоа ќе реши голем проблем за индустријата“., вели тој.
