Машини и опрема за постбербени активности прифатливи за Мерката „Млад земјоделец“

МЕРКА 112 – ПОМОШ НА МЛАДИ ЗЕМЈОДЕЛЦИ ЗА ЗАПОЧНУВАЊЕ НА ЗЕМЈОДЕЛСКА ДЕЈНОСТ – неповратни 600 000 денари.

ОПИС НА МЕРКАТА

Поддршката за започнување со земјоделска дејност се доделува на млад земјоделец кој за прв пат започнува да се занимава со земјоделска дејност преку преземање на постоечко земјоделско стопанство или со воспоставување на ново земјоделско стопанство.

Апликантот треба да ги исполнува следните услови:

• Од 18-40 години старост на апликантот на денот на аплицирање
• Да не е пријавен повеќе од 18 месеци во ЕРЗС при МЗШВ (значи нови земјоделци)
• Да е регистиран замјоделец ( Согласно Законот за пензиско и инвалидско осигурување или Законот за вршење на земјоделска дејност)
• Да има минимум 60 бода согласно табелата за бодирање за да биде разгледуван.

Потребни документи:

• Електронско барање
• Понуда (профактура) со спецификацијата
• Деловен план
• Диплома од средно замјоделско училиште или Сертификат за завршена обука за земјоделска дејност. (или обуката да биде предвидена во Деловниот план)
• Потврда или Решение  од Фондот за ПИОМ дека е земјоделец.
• Имотен лист за недвижниот имот (договор за закуп).

Може да се аплицира за:

• Опрема за постбербени активности во растително производство
• Опрема за преработки од животинско производство (и пчеларство влегува тука)

Максимална поддржана сума 600 000, денари.

Потребно да се обезбедат 60 бода од можни 100.

1.Доколку целта на инвестицијата е набавка на опрема за после бербени активности во растително производство; 10 бода

2.Доколку целта на инвестицијата е набавка на опрема за преработка на земјоделски производи и производи од животинско потекло; 10бода

3.Доколку активностите од деловниот план се одвиваат во ридско-планински подрачја; 10бода 4.Доколку корисникот се занимава или планира да се занимава со сточарство; 10 Доколку корисникот е член на земјоделска задруга 15бода

5.Доколку корисникот е индивидуален земјоделец – носител на земјоделско стопанство и регистриран вршител на земјоделска дејност согласно Закон за вршење на земјоделска дејност или носител на семејно земјоделско стопанство кој се стекнал со статус на осигуреник согласно Закон за пензиско и инвалитско осигурување 35бода

6.Доколку корисникот е во плански регион, според стапенот на развиеност на регионот:

– Скопски регион 1бод

– Југоисточен регион 2бода

– Источен регион 3бода

– Пелагониски регион 4бода

– Вардарски регион 5бода

– Југозападен регион 6бода

– Полошки регион 8 бода

– Североисточен регион 10 бода

Во тек  е јавниот повик за Мерката 112 „Помош на млади земјоделци за започнување на земјоделска дејност“ позната како мерка  „Млад земјоделец“ од Програмата за финансиска поддршка на руралниот развој на Министерството за земјоделство, шумарство и водостопанство. Мерката овозможува финансиска поддршка во форма на грант до 600.000,00 денари од прифатливите трошоци по поединечен корисник.

Новина од оваа година, за прв пат е АВАНСНА исплата на средствата во вредност од 40 % веднаш по потпишување на договорот. Повикот е отворен до 15.10.2023 година, а до крајот на годината треба да се обработат сите апликации од страна на Платежната агенција, со цел сите млади земјоделци кои ќе ги исполнат условите, да добијат грант.

За повеќе информации и комплетна подготовка на апликации јавете се на телефонскиот број
📞 071 225 345
или испратете e-mail на [email protected]

МАШИНИ И ОПРЕМА ЗА ПОСТБЕРБЕНИ АКТИВНОСТИ

Опрема за подготовка за сортирање,  сортирање, саламурење, чистење, миење, сушење, дезинфекција, премачкување со восок, , класирање, отстранување на оштетени плодови, детектирање на метал и стакло или други цврсти материјали.   Опрема за хигиенски и санитарни услови  вклучително и за работниците и хигиенска и санитарна опрема за чистење на машините и опремата.

Опрема за разладување, ладење и замрзнување.

Опрема за пакување и етикетирање.

Опрема и машини за манипулација, товарање и растоварање, вилушкари,  системи на подвижна лента, опрема за мерење на тежина.

Опрема за управување со отпад и складирање на отпад (вклучително и компостирање).

Опрема за систем за следење на квалитетот, контрола и системи за следење на прием, складирање и дистрибуција.

Компјутерска опрема и софтвер вклучително сензори (поврзани само со прифатливата опрема и за постбербени активности).