Осум прасиња во домаќинството Арсениевиќ во селото Клока кај Топола останале сирачиња кога мајка им угинала. Домаќинот Марко сакал да ги спаси од сигурна смрт и успеал, иако со денови не спиел за да го постигне тоа. Тој ги храни прасињата со млеко на цуцла, обидувајќи се таја да ја замени нивната мајка.
„Таа опраси дванаесет, три беа мртви, едно почина набргу потоа, а осум останаа. Потоа таа умре. Не знаев што да направам и како да ги спасам. Се обидов да ги нахранам со шише и на мое изненадување тие веднаш го прифатија, затоа што не беа навикнати ниту на мајчино млеко. Сега имаат десет дена и напредуваат многу добро“, вели Марко.
Иако не очекувал дека ќе ги спаси, овој домаќин од областа Топола не се предавал. Неговиот потег го одобриле семејството и пријателите, а малите прасиња веќе на сите им прираснале на срце.
„Сите овие денови станувам на секои два часа во текот на ноќта за да ги хранам. Има само една цуцла, а тие се осум, и тоа е вистинска борба за храна, но има доволно млеко за секого. Во консултација со ветеринар, наскоро ќе започнам да им давам концентрат, кога ќе ја надминат оваа течна храна. Имаат и заби, знаат да грицнат додека ја бараат цуцлата. Ништо не ми е тешко кога ќе видам дека растат и дека се здрави“, вели Марко.
Извор: toppress.rs
