Лисичарката е печурка која е исклучително здрава, богата е со калиум, минерал клучен за варењето и работата на срцето, калциум, важен за коските, а исто така богата е со магнезиум (важен за срцето и крвотокот), како и со фосфор (неопходен за функцијата на мозокот).
Лисичарката е позната и како еден од најдобрите извори на витамин Д, кој се активира во телото под влијание на сончевата светлина. Исклучително е богата со витамини Ц, Б1, Б2, а содржи три пати повеќе бета каротен од морковот.
Кога станува збор за оваа печурка посебно внимание мора да се посвети на нејзиниот изглед. Имено, никогаш не берете лисичарка која има кафени дамки на неа, бидејќи може да биде отровна. Водете сметка да не биде сува и свената. Експертите советуваат оваа печурка да не се консумира повеќе од два пати неделно.
Во земјите на Далечниот Исток, лисичарката се користи за лекување на воспаление на очите, ноќно слепило и сува кожа. Помага и во борбата против вирусни и бактериски инфекции и ја подобрува циркулацијата.
