Пласманот на земјоделските производи е тема број еден кога станува збор за земјоделско производство. Во јавност преовладува мислењето дека откупувачите или трговците се една од алките во вкупниот аграр најповикани за проблемите кои настануваат со пласманот и за незадоволството на производителите.
Сме слушале многу негативни коментари адресирани до нив, но како и во секоја работа или бизнис, погрешно е сите да се стават во ист кош, кога знаеме дека меѓу нив има професионалци и вистински партнери на земјоделците.
Оваа тема околу релацијата меѓу земјоделците и откупувачите, ќе станува се’ поактуелна со годините што доаѓаат затоа што новото време диктира еден организиран и професионален пристап со пласманот на земјоделското производство. Стихијност во производството ќе биде минато, односно секој земјоделец пред да сее или сади ќе мора да знае на кого и по која загарантирана минимална цена ќе го продаде родот. Ова се основите на ДОГОВОРНОТО ПРОИЗВОДСТВО, каде двете страни се сигурни, едните во сигурниот пласман, другите во сигурната суровина или роба.
Затоа деновиве ги прашавме земјоделците да издвојат фирма или личност во која имаат најголема доверба, со кого соработуваат на професионален начин, платено на време по пазарни цени. Уште ако им помага со авансирање на производство во тој случај зборуваме за системот – договорно производство.
Еве кои фирмите досега добија најмногу пофални зборови за СОРАБОТКАТА и ИСПЛАТАТА на производите од земјоделците, читатели на Агротим.
Прва фирма, со најмногу позитивни коментари е З – ПЛАСТ од село Муртино.
„З – ПЛАСТ “- Семејна компанија основана во 1990 година, како трговска компанија за овошје и зеленчук. Се наоѓа во Муртино, во регионот на Струмица.
„ УНИ АГРО“ – Велес , Компанијата УНИ АГРО ДОО основана во 2012 година почнува со производство и промет на семенски материјали, житарици, мешана сточна храна, додатоци за сточна храна, храна за миленици, одгледување на свињи и свежо свинско месо.
„ТОМА РАДОВО“ – Тома- Радово врши откуп на земјоделски производи (зеленчук и овошје) кое го приготвува за извоз на повеќе странски пазари, но најмногу во Русија, Белорусија, Србија и Бугарија.
„ЕВОРА КОМЕРЦ“ – село Обршани Кривогаштани – Фирмата годишно откупува над 4 000 000 килограми пиперка и 1 000 000 килограми пченица на земјоделците низ цела Пелагонија. Пред почетокот на откупот се склучуваат договори со над 1000 комитенти.
НЕЛКОСКИ ОРГАНИК ФУД Дооел с.Драслајца Струга www.zaumorganic.com Откуп на лешник со над 60 кооперанти.
„ПЕЦА – КОМЕРЦ“ ДООЕЛ Кавадарци – откуп на грозје , редовна исплата
„КРИСТАЛ 1923“ – Велес – откуп на сончоглед
„АГРО ГЛОБАЛ“– Скопје
„БАЏО ДООЕЛ“ – Богданци
„БЛАМЕЈА“ -БИТОЛА– Откуп на градинарски производи вклучувајќи:Пиперка, индустриски домат, цвекло. и откуп на житни култури – пченка, пченица и јачмен.
„КЛАНИЦА ВАСИЛЕВИ“ – Струмички регион.
МЛЕКАРА „БУЧЕН КОЗЈАК “- Куманово
,, АДО 95 “ – Росоман
„ОРЕ ПРОМ“ – Просениково, Струмица
Списокот не е конечен, може да информираме и за други компании и личности по препорака на земјоделците.
