Ова необично растение, расте во тајгите на Далечниот исток. Таму уште се вика и „плод со пет вкусови“. Стеблото на оваа кинеска магнолија достигнува висина од 15 метри и спирално се витка околу високите дрвја. При најмал притисок врз листот, кората или коренот на растението, тоа испушта мирис на лимон.
Оваа степска убавица во пролет се кити со мирисни, бели цветови а нејзините плодови во есен се црвени и сјајни како лампиони. На местата каде што нема други дрвја, кинеската магнолија се прилагодува на средината и расте во форма на грмушка. Името „ плод со пет вкусови“ сосема му одговара бидејќи: пулпата на плодот е кисела, кожичката е слатка, семките се со непријатен вкус кој пече, а целиот плод има соленкаст вкус. Неговите корисни својства се воодушевувачки.
Во древните лекарски списи за кинеската магнолија се тврди дека „спречува одлевање на силата, а на очите им дава посебен сјај“. Степските ловци од Далечниот исто отсекогаш користеле сушен плод од кинеска магнолија за да им даде сила при целодневното гонење на животните. Наместо тешки торби со храна тие носеле само шака бобинки од кинеска магнолија, спакована во кожна вреќичка. Тоа им давало сила и поттик да бидат во движење без престан и без земање на друга храна.
И денес кинеската магнолија се користи како средство за обнова на енергијата и средство за тонизирање. Во кинеската фармакологија плодот на ова растение е ставено во групата на лекови од прва категорија.
Лековити својства на кинеската магнолија
Се дава против дизентерија, гонореја, бронхит, бронхијална астма, настинка и морски болести. Во комбинација со други средства овие боинки успешно се применуваат кај импотенција.
Ловечката приказна дека кинеската магнолија го подобрува видот се покажала како сосема точна. Во Првата светска војна, пилотите добивале препарати од ова растение заради острината на видот во ноќните летови и брза адаптација на окото на темно.
Кинеската магнолија ја стимулира активноста на централниот нервен систем, но притоа не ги исцрпува нервните клетки. Препаратите од оваа бобинка особено се препорачуваат на лицата кои работат тешки физички или интектуални активности, потоа на возачите и сите од кои се бара долга будност и концентрација.
Употребата на ова омилено растение на истокот го преминува тесното медицинско подрачје. Тоа се користи и во прехрамбената индустрија, за производство на безалкохолни, освежителни пијалоци, кондиторски производи, сокови, џемови и мармелади.
Поради својата убавина, кинеската магнолија се одгледува и како декоративно растение. Искуствата со ова, едноставно растение, покажуваат дека тоа може да се одгледува и во Европа.
Извор: AgroSavjet
