-Ги замолувам сите земјоделци без разлика дали имаат договор за закуп за државно земјиште или пак земјоделско стопанство им е семејно, да добиваат информации директно во подрачната единица Кавадарци на МЗШВ, во врска со ажурирањето кое ги извршуваме за секој поединечно – вели Митко Керов, раководител на ПЕ на МЗШВ во Кавадарци.
Неговиот апел се должи на дезинформациите кои се шират во врска со ажурирањето на податоците.
-Со цел да не се шират дезинформации, секој еден земјоделец ќе биде ажуриран, зависно од времето и работните обврски кои ги има подрачната единица. Апелирам до секој земјоделец дека ажурирањето ќе продолжи да се врши и наредната година, да не се стравува дека ќе ги изгубат нивните субвенции, или доколку не се изврши ажурирање на земјоделското стопанство нема да може да поднесе барање за наредната година – вели Керов.
Ги демантираме сите тие шпекулации, и затоа уште еднаш ги повикувам со цел да нема недоразбирања да се обратат во подрачната канцеларија во Кавадарци за било какви информации.
Во наредниот период ќе бидат известени сите земјоделци за дополнителната мерка 2 денара по килограм за предадено грозје во регистриран преработувачки капацитет, каде што ќе треба да донесат потврда од винарска визба најдоцна до 25.12.2019.
Кога ќе се започне пријавувањето на дополнителната мерка, веднаш се прекинува ажурирање на земјоделските стопанства, поради рокот на поднесување на мерката до 25.12.2019 година.
Од ПЕ Кавадарци информираат и за другите тековни активности во овој период
Започна поднесувањето на барање за дополнителни директни плаќања за предадено јагне во регистриран кланичен капацитет 2019 год.
Дополнителната субвенција е за предадено јагнево регистриран кланичен капацитет и е во висина од 400 денари по грло.
Крајниот рок за поднесување на ова барање е 15 декември 2019 година.
Дополнително да ве известиме согласно измените на програмата за директни плаќања и уредбата рокот за поднесување на апликации на млеко е продолжен до 22 ноември 2019 година. Потребно е сите оние земјоделци кои не беа во можност да поднесат апликација до рокот којшто е овозможен.
