По вчерашниот влажен воздушен бран, кој услови врнежи во поголемиот дел од државава, за време на претстојниот продолжен викенд нашата територија ќе се наоѓа под влијание на стабилна и сува воздушна маса која ќе условува сончево и потопло време преку ден, повремено со умерена облачност.
Наутро ќе биде релативно свежо, додека максималните дневни температури ќе се искачуваат во интервалот од 19 до 26 степени.
Нешто посвежо ќе биде денес со максимални дневни температури од 15 до 21 степен. Сето ова ќе биде проследено со засилен ветер од северозападен правец, најизразен долж Повардарието.
И во Скопје и околината за време на претстојниот продолжен викенд времето ќе биде стабилно, суво и сончево, повремено со умерена облачност. Максималната дневна температура ќе се искачува до околу 23 степени.
За нови, подетални и по потреба обновени метео информации, следете го официјалниот фејсбук профил на Славчо Попоски
