Од канцеларијата на Подрачната единица на МЗШВ во Ресен ги повикуваат да дојдат оние овоштари кои сеуште немаат потпишано барање за предадено јаболко кај регистрирани откупувачи.
-Најголемиот дел од овоштарите веќе го потпишаа барањето, а сега ги повикуваме сите останати да дојдат во МЗШВ ПЕ Ресен да го потпишат барањето за мерка 1.8 – директи плаќања за произведено и предадено индустриско јаболко од реколта 2018 во регистрирани откупувачки капацити – изјави Игор Ивановски, раководител на ПЕ Ресен.
Ивановски исто така информира дека речиси сите картички „зелена нафта“ се подигнати. Од 2170 картички останале уште неколку кои очекува деновиве да бидат подигнати.
