Европската унија планира со нова стратегија да ја намали употребата на пестициди за 50%, а европскиот комесар за земјоделство Јану Војчеховски вели дека не смее да се дозволи увоз на производи третирани со пестициди кои се забранети во Европа.
Додека земјоделците на државите членки на ЕУ се соочени со забрана за употреба на поедини средства за заштита на растенијата, истовремено се увезуваат други производи од други земји кои се третирани со тие исти средства.
За тој проблем зборуваше европскиот комесар за земјоделство Јану Војчеховски на видео конференција со француските сенатори.
Пристапот на ЕУ кон стандардите за храна и заштита на животната средина придонесе за тоа да земјоделството претставува камен на сопнување во трговските спогодби, особено со САД.
Војчеховски изјави дека би можеле да се појават тешкотии со оглед на потребата да се следат правилата на Светската трговска организација, но дека увозот би требало да подлежи на истите стандарди кои се применуваат во Европа.
Според податоците од минатата година, повеќе од една четвртината пестициди и сродни средства кои се користат во САД се забранети во ЕУ.
Европските земјоделци, еколошките активисти и некои политичари веќе долго време ја критикуваат ЕУ и поради недоследноста во приемната на истите правила на увезени прехранбени производи, како што се генетски модифицирените производи.
Извор: Agroklub
Напишете коментар