Денес се изврши исплата на произведено и предадено кравјо, овчо и козјо млеко од Програмата за финансиска поддршка во земјоделството за 2024 година. Исплатени се 294.212.786,00 денари на 4.533 производители на кравјо, овчо и козјо млеко регистрирани како одгледувачи на говеда, овци и кози кои произведеното млеко го имаат предадено на регистрирани откупувачи на сурово млеко во месеците јануари, февруари, март, април, мај и јуни 2024 година, информира министерот за земјоделство, Цветан Трипуновски.
Министерството за земјоделство, шумарство и водостопанство посветено работи за исплатата на финансиската поддршка да се врши навремено и редовно согласно календарот.
