Скакулците се проширија низ цела Индија, а цел на нивната инвазија се дрвјата и ниските растенија.
Научниците велат дека ова е најлоша наезда во последниве 25 години и дека станува збор за многу млади скакулци кои поминуваат преголема оддалеченост и побрзо се движат.
К.Л Гурџар , заминк директор на индиската Организација за предупредување од скакулци, како што пренесува Индепендент, изјавил дека скакулците пристигнале од исток,поточно од Иран и Пакистан, и дека се прошириле по државите во западна и централна Индија.
Бидејќи поголемиот број од посевите од неодамна се обрани, гладните роеви на скакулци стигнаа и во градските подрачја, напаѓајќи ги при тоа дрвцата и ниските грмушки.
Индиските научници тврдат дека за еден ден помал број скакулци може да поминат и до 20 километри и да изедат храна како за 35.000 луѓе. Исто така тврдат дека за оваа наезда причината е необично топлото и влажно време.
Извор: Блиц
