Зголемен квалитет и продуктивност, автоматизирање на повторувачки задачи, намалување на отпад, податоци за состојбата на почвата, здравјето на лозата и присуството на штетници се само дел од бројните придобивки на користење роботи во земјоделството, за кои македонските одгледувачи на лозје ќе имаат прилика да научат утре, за време на демонстрацијата на управување со универзалниот земјоделски робот – AgAR, која ќе се одржи во Винарија Камник – Скопје.
Универзалниот земјоделски робот – AgAR е дизајниран да може да ги извршува речиси сите
земјоделски работи, почнувајќи од орање, садење, прскање, наводнување, па сѐ до берење. Опремен
со софтвер за далечинско управување, движење по предодреден пат и автономна навигација со
сензори за избегнување на пречки, роботот претставува идеален земјоделски помошник.
„Роботот AgAR базиран на вештачка интелигенција е проект меѓу српската компанија COMING –
Computer Engineering и Машинскиот Факултет при Универзитетот во Ниш. Ова е одличен модел
кој покажува како академијата и индустријата можат ефективно да соработуваат. Сега
иновираме со додаток – роботска рака за берење грозје. Не верувам дека вештачката
интелигенција некогаш ќе ги замени луѓето во овој поглед, бидејќи сортата „Прокупец“ е тешка
за берење дури и од самите луѓе“. – посочи професорот Баниќ од Универзитетот во Ниш на
неодамнешна конференција во Скопје.
AgAR има за цел да ја зголеми земјоделската продукција и да ги намали оперативните трошоци,
насочувајќи се кон средни и поголеми производители. Прецизната работа го оптимизира користењето
на ресурсите како вода и средства за заштита, намалувајќи го штетното влијанието врз животната
средина и промовирајќи одржливост. Покрај роботот, на настанот ќе биде презентирана и Winessense
платформата за управување со лозови насади, која со помош на напредни сензори поставени низ
лозјата, прибира информации за состојбата на почвата, здравјето на лозата, временските услови и
активноста на штетниците.
На настанот се очекува присуство на претставници од Министерство за земјоделство, шумарство и
водостопанство, Факултет за земјоделски науки и храна, Земјоделски Институт, македонски винарии и
други претставници на приватниот сектор.
Демонстрацијатата е овозможена и фасилитирана од Швајцарската Програма за зголемување на
пазарната вработливост – ИМЕ, во насока на унапредување на процесот на дигитализација и
модернизирање на секторот одржлив агрибизнис.
Швајцарија е искрен и сигурен партнер на Северна Македонија од 1992 година. Дипломатските односи помеѓу двете држави се воспоставени во 1994 година, а од 1996 година започнува Швајцарската програма за развој и соработка во земјата. Од тогаш Швајцарија има инвестирано околу 350 милиони швајцарски франци, еден од најголемите билатерални донатори во земјата, да ги поддржи одржливиот економски раст, заштитата на природата и одржливо управување со природните ресурси, и доброто
демократско владеење во државата.
