Додека земјоделците во Европа и поголемиот дел од светот се загрижени за поскапувањето на вештачките ѓубрива, можниот недостиг на енеренти и струја, земјоделците во Русија имаат друга грижа – дали воопшто ќе можат да посеат нешто оваа есен затоа што се повикани во војна.
Во рамките на мобилизацијата која започна пред една недела, покани добија и земјоделците.
„Сакам да им се обратам и на лидерите на регионалните и земјоделските компании. Во рамките на делумната мобилизација, поканети се и земјоделски работници. Треба да се поддржат нивните семејства и ве молам да обрнете посебно внимание на ова прашање“, изјави рускиот претседател Владимир Путин за време на состанокот со земјоделските претставници, пренесува Ројтерс.
Putin informed that Russia is on schedule to harvest a record 150 million tonnes of grains in 2022, including 100 million tonnes of wheat.https://t.co/qjnzhc5IAP
— Mint (@livemint) September 27, 2022Се наведува дека со овие зборови тој навестува натамошни ризици за родот во 2023 година. Затоа што Русија е еден од најголемите извозници на пченица, а годинава планираат рекордна жетва.
Во првата декада од септември извезле 1,3 милиони тони пченица, што претставува намалување од 28,3 отсто. Се очекува пораст на залихите во таа земја, што може да ја надмине послабата сеидба оваа есен, доколку тоа навистина се случи.
Сеидбата на зимските житарки веќе требало да започне, но врнежите го спречиле почетокот. Треба да се напомене дека регионите што граничат со Украина во јужниот и централниот дел на Русија, како што е регионот Курск, се главните производители на житарки.
