Хрватската земјоделска комора (ХЗК) усвои предлог марки за помош и зачувување на работните места за време на пандемијата поради корана вирусот, кои се насочени кон Министерството за земјоделство.Што се се бара?
Членовите на управниот одбор на Хрватската земјоделска комора(ХЗК), а според барањето на потпретседателот на Хрватската влада, Здравко Мариќ, кое беше побарано на кризниот состанок, одржан во петокот, ги усвои следните предлог мерки за помош и зачувување на работите места и ликвидноста на секторите, се наведува во соопштението на ХЗК.
Од задолжителен откуп , репрограмирање на кредитите до зголемување на субвенциите
- Исплата на сите субвенции до 15 април
- Репрограмирање и замрзнување на отплатата на кредитите без затезни камати
- Одлагање на плаќањата од типот на даноци и придонеси за работниците без затезни камати
- Забрана за увоз на храна и живи животни од контаминираните региони
- Откуп на житарици за стокови резерви по пазарни цени
- Ставање во функциј на Националниот пазар
- Итно решавање на исплатата за инвестициски проекти
- Овозможување на посебни кредитни линии со 0% камата
- Овозможување на интервентни мерки за проблематични кредитни линии
- Во текот на престојната сеидба да се одржува континуирана работа на земјоделските аптеки, за да можат земјоделците да се снабдуваат со минерално ѓубриво, семенски материјал, средства за заштита, хербициди и др. поради специфичноста на производството. Наведеното мора да им биде достапно на земјоделците во секој момент поради примената во различен стадиум од развојот на растенијата и временските услови
- Да се обезбеди продолжување на можностите за сезонска работа во земјоделството и продолжување на рокот на т.н маркици за работа од сегашните 90 дена на 180 дена , без намалување или укинување на социјалните права на сезонските работници во земјоделството.
- Да се обезбеди континуирана достава на„ зелената нафта“, масло и резервни делови
- Значително зголемување на квотите на „зелена нафта“ како една од клучните компоненти на трошок во земјоделското
- Да се продолжи рокот на дозволите на сезонските работници
- Помош, односно субвенционирање на производителите за испорачани количини на свежо овошје и зеленчик од домашно производство, на домашниот пазар
- Дополнителна помош за извозниците на овошје и зеленчук кои поради рестрикција на сообраќајот и на извозот ќе претрпат големи штети и загуби или пак организирање на загарантиран откуп на тие производи по пазарни цени
- Зголемено субвенционирање на новата производствена сезона која е видливо загрозена
- Намалување на цените на струјата за сите производители на храна
- Изменување на правилата за самоизолација за возачите кои превезуваат храна од 14 дена до наредното заминување на пат
- Исто така се вели дека е неопходно да се направи попис на на производите за да може да се утврди фактичката состојба кои производи се достапни, да се подигне степенот на производство на веќе постоечките.
Предлог мерки упатени кон Министерството за земјоделство:
Младен Јакоповиќ, претседател на ХЗК, истакна дека актуелната ситуација може да доведе до започнување на поедини производства поради намалувањето на увозот.„Потребно е да се превземат сите можни мерки за да се зголеми земјоделското производство. Производството и пласманот на домашна храна мора да има приоритет во вакви кризи за да може да се осига ликвидноста на работните места “ вели Јакоповиќ.
Исто така напоменува дека мора да се работи на контролиран увоз, да се превземат дополнителни контроли на храната и производите кои доажаат од контаминираните подрачја, посебно на храната која не подлежи на термичка обработка како што се на пример салатите.
Членовите на Управниот одбор на ХЗК порачаа дека моменталната ситуација е можност да се осврнема кон малите производители. Производството на храна треба да биде од стратешки интерес на секоја држава.
Извор :Агроклуб
